292

REGISTRES DU BUREAU

[i5₇i]

cy dessus, mesd. s" de la Ville, les Procureur, Greffier, Receveur et Conseillers d'icelle marchèrent incontinant en lad. procession, après nos seigneurs des Comptes, et deux à deux, du costé senestre, la court de Parlement et des Aydes, tenant le dextre, sans que lesd. Generaulx desd. Monnoyes se ingérassent de les troubler ny empescher en leur ordre de séance dedans l'eglise; au contraire, au retour de lad. procession, lesd. Generaulx des Monnoyes se retirèrent sans ouyr la messe ne veoir les ceremonies qui furent grandes et belles. Et fut rapporté à mesd. sieurs que on leur ferma la porte du cueur.

Et ladicte procession faicte, led. s^r cardinal de Lorraine célébra la saincte messe à diacre et soubz diacre.

Après laquelle dicte et célébrée et ayant le Roy faict ses oraisons, luy fut posée sa couronne royalle sur son chef et mis en sa main dextre son sceptre, et en l'autre la main de Justice, et en cest estat et ordre, suyvit lesd. Corps sainctz; et furent portez, posez et remis au lieu où ilz ont accoustumé d'estre, avecq fort grande humilité et reverence, où'furenl priez seullement trois de Messieurs, comme trois de toutes les Courtz, pour assister derriere le grand autel à voir remonster lesd. Corps sainctz. Et fit lad. semonce le s^r de Chemaut.

Et ce faict, après les prieres et graces sur ce rendues, chascun se retira, après avoir toutesfois prins congé par mesd. sieurs du Roy, de la Royne et de la Royne mere, qui assistèrent à lad. messe et service'".

CCCXCI [LXXVIII]. — Deffences aux gaigne deniers [de porter épe'es ou dagues.]

io mars 1571. (A, fol. 57 v°; B, fol. 60 v°.)

De par les Prevost des Marchans et Eschevins de la Ville de Paris.

k On faict deffences à tous gaignes deniers, desbar-deurs de boys, chartiers et crocheteurs, frequentans les portz de ladicte ville, de porter en cested, ville

et faulxbourgs aulcunes espées et dagues. Et oultre sont faictes deffences à toutes personnes de mettre sur les portz et quaiz d'icelle ville aulcunes peaulx, boues ni immondices, sur peine d'amende arbitraire. "Faict au Bureau, le dixiesme jour de Mars mil v^c lxxi. n

CCCXC1I [LXXIX]. — Procession generalle.

11 mars 1571. (A, fol. 57 v°; B, fol. 61 r°.)

"Monsieur le premier President, plaise vous trouver demain, à six attendant sept heures du matin, en l'Hostel de ceste Ville, pour nous accompaigner à aller à la procession generalle qui se fera de l'eglise Nostre Dame de Paris en l'eglise de la Saincte Chappelle, où assistera le Roy en personne. Vous priant n'y voulloir faillir.

«Faict au Bureau, le x^me jour de Mars m. v^clxxi.

"Les Prevost des Marchans et Eschevins de la Ville de Paris, tous vostres.n

Semblables mandemens ont esté expédiez et en-voiez à messieurs Ies aultres Conseillers de lad. Villet

#e par les Prevost des Marchans et Eschevins, de la Ville de Paris.

"Sire Jacques Kerver, Quartenier de lad. Ville, nous vous mandons que vous ayez à appeller deux notables bourgeois de vostre quartier, et vous trouvez tous demain, à six attendant sept heures du ma-

⁽¹⁾ Après la cérémonie, le Corps de la Ville se réunit pour un banquet qui eut lieu à Saint-Denis, et dont le menu, fourni en partie par Guillaume Pellé, pâtissier ordinaire de la Ville, nous a été conservé avec les pièces de comptabilité des dépenses extraordinaires de la Ville. Il se composait de «trois platz de gobetz feuilletez; trois pastez de brochet en façon de veau ; trois tourtes italliennes feuilletées; trois pastez de grenoulles; trois pastez de Saulmon; trois pastez de truicte; trois pastez de marçouyn; trois pastez de turbot; trois pastez de greuault; trois tourtes de pomme de capandu trois gasteaux feuilletez; trois platz degauffres; trois platz de petit mestier; trois platz de biscuit; trois tartes seiches; trois tourtes feuillades; trois tourtes de pigeons-.. Chaque article est compté invariablement à 12 sous tournois, et le total s'élève à io livres 4 sous. (Archives nat,, H 2065².)

<^s> Ces deux lignes ne se trouvent que dans B.